આજ ફરી પાછા મોરલા બોલે – કનુ અંધારિયા

સાહિત્યકાર : કનુ અંધારિયા 

[1] હાથલિયો થોર

કાન મેં તો પાળ્યો છે હાથલિયો થોર,
તારી એક વાંસળી ને તારો એક મોર.
કાન મેં તો….

પાને-પાને એને કાંટાઓ ઊગિયા,
લીલીછમ વાડ હોય એવું !
નરસિંહના નાથ મને આવી સમજાવ,
મારે જીવવું તો કેમ કરી જીવવું ?
લોક મેણાં મારે છે મને ચારેકોર.
કાન મેં તો…..

ગોવર્ધનધારી તું આવીને બેસ,
મારી હૈયાની સાવ અરે પાસે,
તું મારો નાથ અને હું તારી ગોપી છું,
એથી હું નાચું ઉલ્લાસે,
હવે ચિતડાનો થાને રે ચોર
કાન મેં તો…..