An Endless Topic….. અને હું…. – જિગર જોષી ‘પ્રેમ’
[1]
કાશ, એવી કોઈ સવાર મળે,
નાભિમાંથી જ ૐકાર મળે.
નાભિમાંથી જ ૐકાર મળે.
સુખ મળે રોજ ને અપાર મળે,
સૌને બેહદ જીવનમાં પ્યાર મળે.
સૌને બેહદ જીવનમાં પ્યાર મળે.
કાઠિયાવાડ આવો, કહેજો પછી,
કેવો મીઠેરો આવકાર મળે.
કેવો મીઠેરો આવકાર મળે.
જ્યારે આવે છે તારું સ્વપ્ન મને,
મ્હેકથી તરબતર સવાર મળે.
મ્હેકથી તરબતર સવાર મળે.
વિશ્વ આખાની ક્યાં છે ઈચ્છા ‘જિગર’
શખ્સ એકાદ ચાહનાર મળે.
શખ્સ એકાદ ચાહનાર મળે.
[2]
નથી એ સાંજ, સમય પણ નથી ને ઘાવ નથી,
હવે એ જણનો કશો મારા પર પ્રભાવ નથી.
નથી એ સાંજ, સમય પણ નથી ને ઘાવ નથી,
હવે એ જણનો કશો મારા પર પ્રભાવ નથી.
કે જ્યારે થાય તને મન તું પથ્થરો ફેંકે,
આ જિંદગી છે ભલા જિંદગી, તળાવ નથી.
આ જિંદગી છે ભલા જિંદગી, તળાવ નથી.
એ મોઢામોઢ કહી દેશે વાત કોઈ પણ
છુપાવે સત્ય, અરીસાનો એ સ્વભાવ નથી.
છુપાવે સત્ય, અરીસાનો એ સ્વભાવ નથી.
પહાડ પરથી સતત વ્હેતા વ્હેતા આવ્યા છઈ,
સફર પસંદ કરી એકે જ્યાં પડાવ નથી.
સફર પસંદ કરી એકે જ્યાં પડાવ નથી.
ખલેલ જે -જે હતી જિંદગીમાં, સર્વ ગઈ,
હવે તો શ્વાસની પણ કોઈ આવજાવ નથી.
હવે તો શ્વાસની પણ કોઈ આવજાવ નથી.
No comments:
Post a Comment