રિચાર્જ

રિચાર્જ – અનિલ ભટ્ટ

પૂજા : ‘પપ્પા, મારું સો નું રિચાર્જ કરાવતા આવજો.’
‘હા, બેટા.’
‘અરે કહું છું, સાંભળો છો ? ઓફિસથી આવતાં આવતાં મારું તથા ભક્તિનું રિચાર્જ કરાવતા આવજો !
અને હા, દર્શનનું એસ.એમ.એસ.નું રિચાર્જ કરાવતા આવજો !’
‘જી, મેડમ !’
રિચાર્જ શબ્દ આજે સર્વ સામાન્ય શબ્દ થઈ ગયો છે. કેટલાનું રિચાર્જ કરવું છે ?
કેટલાનું રિચાર્જ કરાવ્યું ? ક્યારે રિચાર્જ કરવાનું છે ? હમણાં તો રિચાર્જ કરાવ્યું’તું !’
…. સતત આવા શબ્દો સાંભળવા મળે છે. આપણને મોબાઈલ રિચાર્જ કરવાનું યાદ આવે છે !
પણ તમે રિચાર્જ થયા ? ક્યારે થશો ?
પોતાની જાતને પણ રિચાર્જ કરવી અત્યંત જરૂરી છે, દોસ્તો !
જે આપણે સાવ ભૂલી ગયા છીએ !
આપણું રિચાર્જ આપણા જ હાથમાં છે !
છતાં આપણને ‘આપણને’ રિચાર્જ કરવાનું યાદ આવતું નથી !
હું જીવંત છું ‘અનિલ’, કારણ કે રિચાર્જ થાઉં છું,
મોર્નિંગ વૉકથી, કવિતા વાર્તા લખવાથી
અને વાંચવાથી અને ખાસ ‘પ્રયત્ન’ સતત પ્રગટ કરતા રહેવાથી,
મનગમતી પ્રવૃત્તિ કરવા માટે તમે સમયને ચોરતા ક્યારે શીખશો ! ને ક્યારે રીચાર્જ થશો ???!!

An Endless Topic….. અને હું…. – જિગર જોષી ‘પ્રેમ’

An Endless Topic….. અને હું…. – જિગર જોષી ‘પ્રેમ’

[1]

કાશ, એવી કોઈ સવાર મળે,
નાભિમાંથી જ ૐકાર મળે.

સુખ મળે રોજ ને અપાર મળે,
સૌને બેહદ જીવનમાં પ્યાર મળે.

કાઠિયાવાડ આવો, કહેજો પછી,
કેવો મીઠેરો આવકાર મળે.

જ્યારે આવે છે તારું સ્વપ્ન મને,
મ્હેકથી તરબતર સવાર મળે.

વિશ્વ આખાની ક્યાં છે ઈચ્છા ‘જિગર’
શખ્સ એકાદ ચાહનાર મળે.

[2]
નથી એ સાંજ, સમય પણ નથી ને ઘાવ નથી,
હવે એ જણનો કશો મારા પર પ્રભાવ નથી.

કે જ્યારે થાય તને મન તું પથ્થરો ફેંકે,
આ જિંદગી છે ભલા જિંદગી, તળાવ નથી.

એ મોઢામોઢ કહી દેશે વાત કોઈ પણ
છુપાવે સત્ય, અરીસાનો એ સ્વભાવ નથી.

પહાડ પરથી સતત વ્હેતા વ્હેતા આવ્યા છઈ,
સફર પસંદ કરી એકે જ્યાં પડાવ નથી.

ખલેલ જે -જે હતી જિંદગીમાં, સર્વ ગઈ,
હવે તો શ્વાસની પણ કોઈ આવજાવ નથી.

accept it every student need a teacher like him !!